Om Bla Bla
લીલા ચણા નું શાક
How to make લીલા ચણા નું શાક ?
છોલે તો બધાને ભાવતા જ હશે. બહુ જ સરસ લાગે. શિયાળા માં લીલા ચણા બહુ આવે. લીલા ચણા બધા શેકી ને બહુ ખાય. લીલા ચણા નું શાક પણ બહુ જ સ્વાદિષ્ટ બને છે. અહીંયા મેં લીલા ચણા નું છોલે શાક બનાવ્યું છે એ પણ કુકર માં. એટલે ફટાફટ બની જાય છે. તમે પણ એક જરૂર આ રીત થી લીલા ચણા નું શાક બનાવજો. તમને અને ઘર ના બધા ને પણ બહુ ભાવશે. તો આજે જ જાણી લો લીલા ચણા નું શાક બનાવની રીત
| Preparation Time: ૧૦ મિનિટ |
| Cooking Time: |
| Serve: ૪ |
Ingredients for લીલા ચણા નું શાક
| # | Ingredients |
|---|---|
| 1. | ૩ કપ લીલા ચણા, ફોલેલા |
| 2. | ૩ ચમચી તેલ |
| 3. | ૧/૨ (અડધી) ચમચી જીરું |
| 4. | ૧ મોટી ડુંગળી, ઝીણી સમારેલી |
| 5. | ૧ ચમચી આદુ લસણ ની પેસ્ટ |
| 6. | ૧ મોટું ટમેટું, સમારેલું |
| 7. | ૧/૨ (અડધી) ચમચી ધાણાજીરું |
| 8. | ૧/૪ ચમચી હળદર |
| 9. | ૧/૨ ચમચી લાલ મરચું |
| 10. | ૧ ચમચી છોલે મસાલો (ગરમ મસાલો પણ ચાલે) |
| 11. | ૧/૨ ચમચી કસૂરી મેથી |
| 12. | ૨ ચમચી લીલી કોથમીર, સમારેલી |
| 13. | મીઠું સ્વાદ અનુસાર |
Steps of લીલા ચણા નું શાક
| # | Steps |
|---|---|
| 1. | કુકર માં તેલ ગરમ કરવા મુકો |
| 2. | તેલ ગરમ થઇ જાય એટલે તેમાં જીરું નાખવું, જીરું ફૂટી જાય એટલે તેમાં ડુંગળી અને આદુ લસણ ની પેસ્ટ નાખો અને ૩ થી ૪ મિનિટ સુધી સાંતળો |
| 3. | ડુંગળી આછા ગુલાબી રંગ ની થઇ જાય પછી તેમાં હળદર, ધાણાજીરું, લાલ મરચું, મીઠું અને છોલે નો મસાલો નાખી હલાવવું |
| 4. | હવે તેમાં ઝીણા સમારેલા ટમેટા નાખો અને ૨ મિનિટ ચડવા દો |
| 5. | પછી તેમાં લીલા ચણા નાખો અને બરાબર મિક્સ કરો |
| 6. | તેમાં ૨ કપ પાણી નાખો અને મિક્સ કરો |
| 7. | હવે કુકર નું ઢાંકણું બંધ કરી દો અને એક સીટી વાગવા દો |
| 8. | એક સીટી વાગી જાય એટલે ગેસ ધીમો કરી દેવો અને ધીમા ગેસ પર ૪-૫ સીટી વગાડો અને પછી ગેસ બંધ કરી દો |
| 9. | કુકર માંથી સંપૂર્ણ હવા નીકળી જાય પછી કુકર ખોલો અને તેમાં કસૂરી મેથી નાખો અને ગેસ ફરીથી ચાલુ કરો |
| 10. | હવે ગેસ પર એમ જ ૨-૩ મિનિટ ઢાંક્યા વગર ચડવા દેવું જેથી કસૂરી મેથી નો સ્વાદ ચડી જાય |
| 11. | પછી ગેસ બંધ કરી દો અને ગરમ ગરમ પીરસો |
About Author of લીલા ચણા નું શાક
Ripal -
Similar Posts
Popular Posts
Have something to add? Share it in the comments.