કાઠિયાવાડી લાલ મરચા નું અથાણું
How to make કાઠિયાવાડી લાલ મરચા નું અથાણું ?
કાઠિયાવાડી લાલ મરચા બધા ને બહુ ભાવે. જો ટિફિન માં લઇ ગયા હોઈ એ ને તો આપણા તો ભાગ માં જ ના આવે. બધા પૂછે કે કેમના બનાવા ના આ મરચા. આ કાઠિયાવાડી મરચા ને જો બરાબર રીત થી બનાવા માં આવે તો બહુ જ સરસ બને છે. હું આ મારી મમી પાસે થી બનાવતા શીખી હતી. મેં અહીંયા બરાબર પદ્ધતિ થી મરચા બનાવવાની રીત બતાવી છે. જો તમે આવી જ રીતે બનાવશો તો કાઠિવાડી જેવું જ બનશે આ લાલ મરચા નું અથાણું. તો જાણી લો આ કાઠિયાવાડી લાલ મરચા નું અથાણું બનાવની રીત.
Preparation Time: ૩૦ મિનિટ |
Ingredients for કાઠિયાવાડી લાલ મરચા નું અથાણું
# | Ingredients |
---|---|
1. | ૨૫૦ ગ્રામ લાલ મરચા |
2. | ૧૦૦ ગ્રામ રાય ના કુરિયા |
3. | ૩ ચમચી મેથી ના કુરિયા |
4. | ૨ ચમચી સૂકા આખા ધાણા |
5. | ૬ - ૭ આખા મરી |
6. | ૨ ચમચી વરિયાળી |
7. | ૩ ચમચી હિંગ |
8. | ૧ ચમચી હળદળ પાવડર |
9. | ૧૦ ચમચી તેલ (મરચા ડૂબે એટલું તેલ લેવું) |
10. | ૧ લીંબુ નો રસ |
11. | મીઠું સ્વાદ અનુસાર |
Steps of કાઠિયાવાડી લાલ મરચા નું અથાણું
# | Steps |
---|---|
1. | મરચા ધોઈ ને બરાબર કોરા કરી લેવા. હવે એ મરચા ના બે ભાગ કરો અને બધા બીયા કાઢી નાખો. |
2. | આ બીયા કાઢેલા મરચા ના ફરી થી વચ્ચે થી બે ટુકડા કરવા. જો મોટા જોઈતા હોય તો એમજ રાખવા. |
3. | હવે એક તપેલી માં રાય અને મેથી ના કુરિયા મિક્સ કરો. એની ઉપર હિંગ મુકો. |
4. | હવે કડાઈ માં તેલ ગરમ કરવા મુકો. તેલ બરાબર ગરમ થઇ જાય એટલે જ્યાં હિંગ નાખેલી છે બરાબર એ જગ્યા પર જ ગરમ તેલ રેડો અને તરત જ એને ઢાંકી દો. |
5. | જ્યાં સુધી આ વઘારેલો મસાલો ઠંડો થાય ત્યાં સુધી રાહ જોવો. |
6. | હવે આખા ધાણા અને મરી ને ખાંડણી માં અધકચરા ખાંડી લેવા. |
7. | મસાલો પુરેપુરો ઠંડો થઇ જાય પછી એમાં હળદર, વરિયાળી, ખાંડેલા ધાણા અને મરી, લીંબુ નો રસ, મીઠું ઉમેરી મિક્સ કરો. |
8. | મસાલો બરાબર મિક્સ થઇ જાય પછી એમાં કાપેલા મરચા ઉમેરી ને હલાવો. |
9. | આ મરચા ને કાચ ની બરણી માં ભરી લો. મરચા ના અથાણાં ને એકદમ તાજું રાખવા માટે તેને ફ્રીઝ માં રાખવું. આ અથાણું આખું વર્ષ સારું રહે છે. |
Very nice Rit to making athanu of Lal Marcha
Similar Posts
Popular Posts
Have something to add? Share it in the comments.