હરાભરા કબાબ રેસિપી
How to make હરાભરા કબાબ ?
તમે રેસ્ટોરન્ટ માં જાઓ ત્યારે સ્ટાર્ટર માં હરા ભરા કબાબ તો ઓર્ડર કરતા જ હશો. તો અહીંયા હું એજ રેસ્ટોરન્ટ જેવા હરાભરા કબાબ ની રેસીપી લાવી છું. હરાભરા કબાબ એ બહુ જ હેલ્થી ખાવાનું છે કેમકે એમાં સૌથી વધારે લીલા શાકભાજી આવે છે. હરાભરા કબાબ ને વધારે હેલ્થી બનાવા માટે તમે એને તળવા ની જગ્યા એ તવી માં શેકી પણ શકો છો. એટલે બાળકો ને હરાભરા કબાબ બનાવી ને ખવડાવવા જ જોઈએ. તો આજે જ શીખી લો રેસ્ટોરન્ટ જેવા સ્વાદિષ્ટ હરાભરા કબાબ બનાવની રીત.ઘરે જ બનાવો આ રેસ્ટોરન્ટ જેવા સ્વાદિષ્ટ હરાભરા કબાબ, રહી જશે બધા આંગળા ચાંટતા. dahi ni lili chatni
Preparation Time: ૨૫ મિનિટ |
Cooking Time: |
Serve: ૪ |
Ingredients for હરાભરા કબાબ રેસિપી
# | Ingredients |
---|---|
1. | ૧ મોટું બટાકુ, બાફેલું |
2. | ૧ મધ્યમ લીલું કેપ્સિકમ, સમારેલું |
3. | ૫૦૦ ગ્રામ પાલક, સમારેલી |
4. | ૧ અને ૧/૨ (દોઢ) કપ લીલા વટાણા |
5. | ૧૦-૧૨ ફુદીના ના પાન |
6. | ૨ ચમચી કોથમીર |
7. | ૧/૨ ચમચી જીરું |
8. | ૧ ચમચી આદુ, સમારેલું |
9. | ૩ લીલા મરચા, સમારેલા |
10. | ૧/૪ ચમચી હળદર |
11. | ૧ કપ બ્રેડ નો ભૂકો |
12. | ૧ ચમચી કોર્નફ્લોર |
13. | ૧ ચમચી ચાટ મસાલો |
14. | મીઠું સ્વાદ અનુસાર |
15. | તળવા માટે તેલ |
Steps of હરાભરા કબાબ રેસિપી
# | Steps |
---|---|
1. | પાલક ને બરાબર ધોઈ લો અને ૨ મિનિટ માટે ગરમ પાણી માં નાખી ને બાફી લો |
2. | હવે પાલક ને ઠંડા પાણી માં નાખો અને પાલક ને બે હાથ થી દબાવી બધું પાણી કાઢી નાખો |
3. | પાલક ને એકદમ નિતારી દેવી બધું જ પાણી બે હાથ થી દબાવી ને કાઢી લેવું |
4. | હવે એક કડાઈ માં એક ચમચી તેલ ગરમ કરો અને જીરું ઉમેરો |
5. | જીરું ફૂટી જાય એટલે તેમાં આદુ અને લીલા મરચા ઉમેરીને સાંતળો |
6. | હવે તેમાં કેપ્સિકમ ઉમેરો અને ૨ મિનિટ સુધી સાંતળો |
7. | પછી તેમાં લીલા વટાણા, કોથમીર, ફુદીનો, પાલક, હળદર અને મીઠું મિક્ષ કરો |
8. | અને જ્યાં સુધી બધું પાણી બળી ના જાય ત્યાં સુધી હલાવતા રહો |
9. | મિશ્રણ એકદમ કોરું થઇ જાય અને બધું પાણી બળી જાય પછી ગેસ બંધ કરી દો અને મિશ્રણ ને ઠંડુ થવા દો (મિશ્રણ કડાઈ માં નીચે ચોંટવા લાગે ત્યાં સુધી હલાવવું) |
10. | મિશ્રણ ઠંડુ થઇ જાય એટલે એને એક મિક્સર જાર માં લો અને બરાબર પીસી લો (પીસતી વખતે પાણી ઉમેરવું નહિ) |
11. | હવે એક વાસણ માં બાફેલા બટાકા છૂંદી લો અને તેમાં આ પીસેલું મિશ્રણ, ૨ ચમચી બ્રેડ નો ભૂકો અને કોર્નફ્લોર મિક્ષ કરો |
12. | મિશ્રણમાંથી થોડો ભાગ લઇ તેને ગોળ કબાબ જેવો આકાર આપો અને આવી રીતે બધા જ કબાબ બનાવી લો |
13. | હવે એક ડીશ માં બચેલું બ્રેડ નો ભૂકો લો |
14. | હવે કબાબ ને બધી બાજુ બ્રેડ નો ભૂકો લાગે એ રીતે ડીશ માં ગોળ ફેરવો |
15. | કડાઈ માં તેલ ગરમ કરો અને આ કબાબ ને આછા સોનેરી રંગ ના તળી લો |
16. | દહીં ની લીલી ચટણી જોડે ગરમ ગરમ પીરસો |
Nice to Read and Learn.
Similar Posts
Popular Posts
Have something to add? Share it in the comments.