ચણા ચાટ રેસિપી

ચાટ એ બધા ની જ પ્રિય વાનગી છે. ચાટ કોને ના ભાવે? બધા ને જ બહુ ભાવે. ઘણા બધા ચાટ બનાવવા માટે બહુ મેહનત કરવી પડતી હોય છે. જયારે ચાટ ખાવાની ઈચ્છા થાય અને તરત જ બનાવી ને ખાવા મળે તો કેવી મજા આવે. હું અહીંયા એક એવી જ ચાટ ની રેસીપી બતાવી રહી છું અને એ છે ચણા ચાટ રેસીપી. બાફેલા ચણા માંથી ફટાફટ ને થોડી જ વાર માં આ ચાટ બની જાય છે એની માટે વધારે મેહનત પણ નથી કરવી પડતી. એમાં તમે તમારી પસંદગી ની વસ્તુ પણ ઉમેરી શકો છો. ઘણી વાર બાફેલા ચણા વધી પણ જતા હોય છે તો તમે તેમાંથી પણ બીજા દિવસે આ રીતે ચણા ચાટ બનાવી શકો છો. તો ફટાફટ જાણી લો ચણા ચાટ બનાવાની રીત અને ઘરે જલ્દી થી બનાવી લો આ ચણા ચાટ.