ભરેલા ગલકા નું શાક રેસીપી
How to make ભરેલા ગલકા નું શાક ?
ગલકા નું શાક તો બધા ઘરે બનાવતા જ હશો. પણ દર વખત એક ના એક જેવું ગલકા નું શાક બનાવવા કરતા કંઈક અલગ રીતે ગલકા નું શાક બનાવીએ તો ખાવાની મજા આવી જાય. એટલે જ હું અહીંયા ભરેલા ગલકા નું શાક બનાવવાની રીત બતાવી રહી છું. ભરેલા ગલકા નું શાક બહુ જ સ્વાદિષ્ટ લાગે છે અને જમવાની પણ બહુ મજા આવે છે. તો ફટાફટ જાણી લો આ ભરેલા ગલકા નું શાક બનાવવાની રીત અને એક વાર તો જરૂર થી બનાવજો આ ભરેલા ગલકા નું શાક.
Preparation Time: ૫-૧૦ મિનિટ |
Cooking Time: |
Serve: 4 |
Ingredients for ભરેલા ગલકા નું શાક રેસીપી
# | Ingredients |
---|---|
1. | ૫૦૦ ગ્રામ ગલકા |
2. | ૧/૨ કપ સીંગદાણા નો ભૂકો |
3. | ૧૦-૧૨ કળી લસણ |
4. | ૧ ચમચી લાલ મરચું |
5. | ૧ ચમચી ધાણાજીરું |
6. | ૧/૪ ચમચી હળદર |
7. | ૪ ચમચી લીલી કોથમીર, સમારેલી |
8. | ૧/૪ ચમચી ખાંડ અથવા સ્વાદ અનુસાર |
9. | ૫ ચમચી તેલ |
10. | મીઠું સ્વાદ અનુસાર |
Steps of ભરેલા ગલકા નું શાક રેસીપી
# | Steps |
---|---|
1. | ગલકા ને બરાબર ધોઈ લો અને તેની છાલ ઉતારી લો |
2. | હવે એક ખાંડણી માં લસણ અને લાલ મરચું મીક્ષ કરી તેને ખાંડી લો અને લસણ ની ચટણી બનાવી લો |
3. | એક વાસણ માં ખાંડેલી લસણ ની ચટણી, સીંગદાણા નો ભુક્કો, ધાણાજીરું, હળદર, લીલી કોથમીર, ખાંડ, મીઠું અને ૧ ચમચી તેલ મીક્ષ કરો અને મસાલો બનાવી લો |
4. | હવે ગલકા ને લો અને તેને ઉભો એક બાજુ થી ચીરો પાડો ગલકા બહુ મોટા હોય તો તેના ૨-૩ ટુકડા કરી દેવા |
5. | હવે આ ગલકામાં બનાવેલો મસાલો ભરી દો વધેલો મસાલો એક બાજુ મૂકી રાખો |
6. | કઢાઈ માં ૪ ચમચી તેલ ગરમ કરો તેલ ગરમ થઇ જાય એટલે તેમ ભરેલા ગલકા ઉમેરો અને મીક્ષ કરો |
7. | કઢાઈ ને ઢાંકી દો અને ધીમા ગેસ પર ૮-૧૦ મિનિટ સુધી ચડવા દો વચ્ચે વચ્ચે હલાવતા રહેવું જેથી ગલકા બધી બાજુ શેકાય જાય |
8. | હવે તેમાં વધેલો મસાલો મીક્ષ કરો અને ઢાંકીને ફરી થી ૫ મિનિટ સુધી રહેવા દો જરૂર પડે તો ઉપર થી મીઠું ઉમેરવું |
9. | પછી ગેસ બંધ કરી દો અને શાક ને સર્વ કરવાના બાઉલ માં કાઢી લો તૈયાર છે ગલકાનું ભરેલું શાક |
Similar Posts
Popular Posts
Have something to add? Share it in the comments.