અળસી અને લસણ ની ચટણી રેસીપી

સવાર નો નાસ્તો હોય કે જમવાનું હોય, જમવા જોડે ચટણી હોય તો જમવા ની મજા આવી જાય. અલગ અલગ જાત ની ચટણી હોય તો તો વધારે જ મજા આવે. એટલે જ હું અહીંયા એક એવી જ ચટણી ની રેસીપી લઇ ને આવી છું એ છે અળસી અને લસણ ની ચટણી. અળસી એ બહુ જ સારો પૌષ્ટિક આહાર છે. અળસી આપણા શરીર માટે બહુ જ ઉપયોગી છે એટલે રોજ એક ચમચી અળસી તો ખાવી જ જોઈએ. તમે મુખવાસ માં પણ અળસી તો ખાતા જ હશો પણ ઓ ના ભાવતી હોય તો આ રીતે ચટણી બનાવી ને પણ ખાઈ શકાય છે. આ અળસી અને લસણ ની ચટણી બહુ જ સ્વાદિષ્ટ લાગે છે. થેપલા, પરાઠા , ભાખરી કે ભાત જોડે ખાવાની બહુ જ મજા આવે છે. તો જાણી લો અળસી નો મુખવાસ બનાવવાની રીત.