કાચી કેરી ની ચટણી રેસીપી

ચટણી નું નામ આવે એટલે લીલી ચટણી અને ખજૂર આંબલી ની ચટણી જ યાદ આવે. પણ બીજી પણ બહુ જ બધી જાત ની ચટણી હોય છે. ખાસ કરી ને સાઉથ ઇન્ડિયા માં બહુ જ બધી જાત ની ચટણી બનાવવા માં આવે છે જે ઈડલી, ઢોસા અને ભાત જોડે ખાવામાં આવે છે. આજે અહીંયા હું એક એવી જ સરસ ચટપટી ચટણી ની રેસીપી બતાવી રહી છું એ છે કાચી કેરી ની ચટણી. આ કાચી કેરી ની ચટણી બહુ જ ચટપટી અને તીખી હોય છે. જો કે ચટણી માં તીખાશ તમારા સ્વાદ અનુસાર નાખી શકો છો. વળી આ ચટણી ખાટી પણ હોય છે. ચટણી ની ખટાસ એ કેરી ને અનુસાર હોય છે. જો તમારે વધારે ખાટી ચટણી જોઈતી હોય તો તમે એમાં આંબલી પણ મિક્સ કરી શકો છો. મેં આ ચટણી માં કોઈ પણ જાત નું ગળપણ ઉમેર્યું નથી. તમે ઈચ્છો તો એમાં ઉમેરી શકો છો પણ આ ચટણી ગળપણ વગર જ સરસ લાગે છે. આ કાચી કેરી ની ચટણી ફ્રીઝ માં ૩ થી ૪ દિવસ સુધી સારી રહે છે. તો ફટાફટ જાણી લો કાચી કેરી ની ચટણી બનાવવાની રીત.