મેંગો લેમન સોડા રેસિપી
Ripalરેસીપી
બનાવવા ની રીત:
લીંબુ સોડા બધા ની મનગમતી વસ્તુ છે. મસાલા લીંબુ સોડા તો બધા પીતા જ હશો ને. આજે હું એ લીંબુ સોડા માં કંઈક ટ્વિસ્ટ લાવી છું. અત્યારે ગરમી ની સીઝન છે. એમાં પાકી કેરી તો આવતી જ હોય. અને કેરી પણ બધા ને બહુ જ ભાવે. ગુજરાતી નો તો કેરી ની સીઝન જાય નહિ ત્યાં સુધી કેરી ખાય. એટલે મેં વિચાર્યું કે કંઈક અલગ કેરી અને લીંબુ સોડા ને ભેગા કરી ને બનાવી એ તો કેવી મજા આવે. તો એટલે અહીંયા એક નવી જ રેસીપી બતાવી રહી છું. લીંબુ સોડા એ પણ કેરી ના બરફ ના ટુકડા સાથે. નામ જ કેવું અટપટું છે. પણ રેસીપી બહુ જ માસ્ટ અને સ્વાદિષ્ટ છે. એક વાર બનાવશો તો આખો ઉનાળો બનાવી ને પીશો આ સરબત. આ એક પ્રકાર નું કોકટેઇલ જ કહેવાય. જો મેહમાન ને સર્વ કરવા માં આવે ને તો આપણો તો વટ જ પડી જાય. તો ફટાફટ શીખી લો આ મેંગો લેમોન સોડા રેસીપી અને ઘર ના બધા ને અને મેહમાન આવે તો એમને પણ બનાવી ને પીવડાવો આ સરસ મેંગો લેમન સોડા.
તૈયારીનો સમય:૫ કલાક
વ્યક્તિ માટે:૪
મેંગો લેમન સોડા રેસિપી બનાવવાની સામગ્રી:
- ૧ ચમચી લીંબુ નો રસ
- ૧ પાકી કેરી, સમારેલી
- ૧/૨ કપ ખાંડ
- ૮-૧૦ ફુદીના ના પાન
- ૨ લીંબુ આખું
- ૨ ચમચી મધ
- ૧ લીટર સાદી સોડા
- ૫-૬ બરફ ના ટુકડા
મેંગો લેમન સોડા રેસિપી બનાવવા ના સ્ટેપ:
એક મિક્ષર જાર માં કેરી ના ટુકડા, લીંબુ નો રસ, ખાંડ, ૫-૬ ફુદીના ના પાન મિક્ષ કરો અને બરાબર પીસી લો
હવે આ રસ ને બરફ બનાવની ડીશ માં ભરી લો અને બરફ બનાવવા માટે ફ્રિજર માં ૫-૬ કલાક માટે મૂકી દો
હવે એક લીંબુ લો અને તેના ૮ સરખા ટુકડા કરો અને તેમાંથી બીયા કાઢી લો આવી જ રીતે બીજા લીંબુ ના પણ ટુકડા કરી લો
હવે એક ગ્લાસ માં ૪-૫ લીંબુ ના ટુકડા, ૫-૬ ફુદીના ના પાન, મધ, ૧/૪ ચમચી દળેલી ખાંડ મિક્ષ કરો
આને એક જાડી ચમચી વડે બરાબર દબાવી લો
હવે તેમાં ૩-૪ સાદા બરફ ના ટુકડા, ૪ મેંગો ના બનાવેલા બરફ ના ટુકડા ઉમેરો
હવે તેમાં સાદી સોડા ઉમેરો અને બરાબર મિક્ષ કરો
ઠંડુ ઠંડુ મેંગો લેમન સોડા સર્વ કરો