લસણ ની ચટણી
Ripalરેસીપી
બનાવવા ની રીત:
લસણ ની ચટણી ગુજરાત માં બહુ જ પ્રખ્યાત. અલગ અલગ જગ્યા એ અલગ અલગ રીતે બને. અહીંયા ગુજરાત માં ભાજીપાવ જોડે પણ આ લસણ ની ચટણી તો જોઈ એ જ. એના વગર મજા આવે નહિ. તો આજે હું લસણ ની ચટણી ની રેસીપી લઇ ને આવી છું. તો આજે જ ઘરે બનાવો આ આંગળા ચાટતાં રહી જવાય એવી લસણ ની ચટણી અને ભરી લો ડબ્બા માં.
તૈયારીનો સમય:૫ મિનિટ
બનાવવા નો સમય:૨ મિનિટ
લસણ ની ચટણી બનાવવાની સામગ્રી:
- ૧/૨ કપ લસણ ની કળી, ફોલેલી
- ૧/૨ લાલ મરચું
- ૧ ચમચી તેલ
- મીઠું સ્વાદ અનુસાર
લસણ ની ચટણી બનાવવા ના સ્ટેપ:
એક મિક્સર જાર માં લસણ, લાલ મરચું અને મીઠું મિક્સ કરો. થોડું પાણી નાખીને અધકચરું પીસી લો.
હવે એક કડાઈ માં તેલ ગરમ કરો
તેલ ગરમ થઇ જાય એટલે તેમાં આ પીસેલા લસણ મરચા ની પેસ્ટ ઉમેરો
જ્યાં સુધી તેલ છૂટું પડે નહિ ત્યાં સુધી આ પેસ્ટ ને હલાવો
તેલ છૂટું પડે એટલે ગેસ ને બંધ કરી દો અને ચટણી ને ઠંડી પાડવા દો
ચટણી ઠંડી થઇ જાય એટલે ડબ્બા માં ભરી લો