ખજૂર આંબલી ની ચટણી
Ripalરેસીપી
બનાવવા ની રીત:
ખજૂર આંબલી ની ચટણી કોઈ પણ ચાટ હોય, નાસ્તો હોય એમાં વપરાય જ. ઘણી બધી વાનગી સાથે ખજૂર આંબલી ની ચટણી પીરસવામાં માં આવે છે. વળી ખજૂર આંબલી ની ચટણી ૨ ૩ મહિના સુધી રેફ્રિજરેટર માં સારી રહે છે એટલે જો પહેલે થી બનાવેલી હોય તો વાપરવા માં સરળતા રહે છે. આમ તો બધા ઘરે ખજૂર આંબલી ની ચટણી બનાવતા જ હશો. પણ બહાર લારી જેવી નહીં બનતી હોય કેમકે એમાં ઘણું નાખેલું હોય છે અને બરાબર રીત થી બનાવા માં આવે છે. મેં અહીંયા એવી જ રેસીપી બતાવી છે. જો તમે આ રીત થી બનાવશો તો બહાર લારી અને રેસ્ટોરન્ટ જેવી જ ખજૂર આંબલી ની ચટણી બનશે. અને એ લાગશે પણ બહુ જ સ્વાદિષ્ટ. તમે પણ એક વાર આ રીત થી ખજૂર આંબલી ની ચટણી બનાવી જોવો, જે ખાવાનો સ્વાદ કરી દેશે બમણો.
તૈયારીનો સમય:૫ મિનિટ
બનાવવા નો સમય:૩૦ મિનિટ
ખજૂર આંબલી ની ચટણી બનાવવાની સામગ્રી:
- ૧ કપ ગળ
- ૧ કપ આંબલી
- ૧ કપ બીયા વગર નો ખજૂર
- ૨ તમાલ પત્ર
- ૪-૫ મોટી કાળી એલચા
- ૧ ચમચી સુંઠ
- ૧ ચમચી સંચળ
- ૧ અને ૧/૨ (દોઢ) ચમચી લાલ મરચું
- ૧ ચમચી શેકેલું જીરું
- ૧ ચમચી તેલ
- ૧ મોટી ચમચી વરિયાળી
- મીઠું સ્વાદ અનુસાર
ખજૂર આંબલી ની ચટણી બનાવવા ના સ્ટેપ:
એક કડાઈ અથવા તપેલી માં ગોળ, આંબલી, ખજૂર, તમાલ પત્ર, કાળી એલચા, સુંઠ, સંચળ, લાલ મરચું અને ૧૦-૧૨ કપ પાણી મિક્ષ કરો
હવે આ મિશ્રણ ને ગેસ પર મધ્યમ આંચ પર ૨૦-૨૫ મિનિટ સુધી ઉકળવા દો
હવે એક કડાઈ માં તેલ ગરમ કરો અને તેમાં વરિયાળી ઉમેરો પછી ગેસ બંધ કરી દો
અને આ તેલ ને ચટણી માં રેડી દો
હવે ચટણી ને બરાબર મિક્ષ કરો
હવે આ મિશ્રણ ને એક ગરણી વડે ગાળી લો ગાળતી વખતે મિશ્રણ ને ચમચા વડે દબાવવું એટલે બધો પલ્પ નીકળી જાય
ચટણી ઠંડી થઇ જાય એટલે ડબ્બા માં ભરી લેવું
આ ચટણી રેફ્રિજરેટર માં મુકવા થી ૨-૩ મહિના સુધી સારી રહે છે
નોંધ:- મિશ્રણ ને મિક્સર માં પીસવું હોય તો તમાલ પત્ર, એલચા કાઢી લેવું