બાદશાહી ખીચડી રેસીપી
How to make બાદશાહી ખીચડી ?
ખીચડી નું તો નામ સાંભળી ને જ ઘણા બધા મોઢું બગાડે. પણ જો તમે અલગ અલગ જાત ની ખીચડી બનાવશો તો એવું નહી થાય. એટલે જ હું આજે એક નવી મજા ની સરસ ખીચડી લાવી છું. આ ખીચડી બનાવની રીત તમે ક્યાંય નહી જોઈ હોય કે સાંભળી હોય. આ એક અલગ પ્રકાર થી બનાવેલી ખીચડી છે. જે તમે કોઈ મેહમાન આવ્યા હોય ને તો પણ બનાવી શકો છો. અને સાચું માનજો કે બધા ને બહુ મજા આવશે આ ખાવાની અને જો તમે આ બનાવી હશે ને તો લોકો તમારા વખાણ પણ કરશે. તો આજે જ બનાવજો આ બાદશાહી ખીચડી તમારા ઘરે. ઉપર થી આ બાદશાહી ખીચડી એ શાક્ભાજી થી ભરપૂર છે. આજે જ બનાવો બાદશાહી ખીચડી રેસીપી.
Preparation Time: 20 મિનિટ |
Cooking Time: |
Serve: 4 |
Ingredients for બાદશાહી ખીચડી રેસીપી
# | Ingredients |
---|---|
1. | 1 કપ ચોખા |
2. | 1/2 કપ તુવર દાળ |
3. | 1 મોટું બટાકુ, ૧ ઇંચ જેટલા ટુકડા સમારેલા |
4. | 2 મધ્યમ ડુંગળી , સ્લાઈસ કરેલી |
5. | 1 ½ કપ ફુલાવર ના ટુકડા, |
6. | 1 કપ રીંગણ ના ટુકડા |
7. | 1 કપ લીલા વટાણા, ફોલેલા |
8. | 1 કપ સુરતી પાપડી, ફોલી ને ટુકડા કરેલી (વાલોર પાપડી પણ ચાલે) |
9. | 1 cup લીલા તુવર ના દાણા |
10. | 1 મધ્યમ ટામેટું , સમારેલું |
11. | 6 – 7 લસણ ની કળી, સમારેલી |
12. | 2 લીલા મરચાં, સમારેલા (સ્વાદ અનુસાર નાખવા) |
13. | 4 ચમચી તેલ, |
14. | 1/2 ચમચી આખું જીરું |
15. | 1 ચમચી રાય ના દાણા |
16. | 1/2 ચમચી હળદળ |
17. | 1 ચમચી લાલ મરચાં નો પાવડર |
18. | 1/2 ચમચી ધાણાજીરું નો પાવડર |
19. | 1/2 ચમચી હિંગ |
20. | 1 તમાલ પત્ર |
21. | 2 કાળા મરી |
22. | 2 લવિંગ |
23. | 1 તજ નો નાનો ટુકડો |
24. | 1 સૂકું લાલ મરચું |
25. | મીઠું સ્વાદ અનુસાર |
26. | લીલી કોથમીર, સમારેલી |
Steps of બાદશાહી ખીચડી રેસીપી
# | Steps |
---|---|
1. | ચોખા અને દાળ ને ધોઈ ને અડધો કલાક પાણી માં પલાળવા દો. |
2. | ખીચડી બનાવા માટે, એક કૂકર માં ૩ કપ પાણી, દાળ, ચોખા, 1/4 ચમચી હળદળ, મીઠું મિક્સ કરી હલાવો. કૂકર નું ઢાંકણું બંધ કરી એને ૩ સીટી વગાડો અથવા તો ખીચડી થાય ત્યાં સુધી ચડવા દો. |
3. | કૂકર માંથી હવા નીકળી જાય એટલે ઢાંકણું ખોલી નાખો અને એક બાજુ મુકો. |
4. | હવે એક કઢાઈ માં તેલ ગરમ મુકો. તેલ ગરમ થઇ જાય એટલે એમાં રાય, જીરું નાખી ફૂટવા દો. |
5. | રાય, જીરું તતડી જાય એટલે એમાં લવિંગ, મરી, તમાલ પત્ર, તજ, સૂકું લાલ મરચું, હિંગ, 1/2 ચમચી હળદળ , લસણ નાખી હલાવો. |
6. | એમાં ડુંગળી અને લીલા ઉમેરી ૩ મિનિટ સુધી સાંતળો. |
7. | એમાં બધા જ શાક્ભાજી (બટાકા, રીંગણાં, પાપડી, વટાણા, તુવર દાણા, ફુલાવર) , લાલ મરચું, ધાણાજીરું પાવડર, મીઠું ઉમેરો અને બરાબર મિક્સ કરો. |
8. | કઢાઈ ને ઢાંકી ને શાક ને ચડવા દો. વચ્ચે વચ્ચે હલાવતા રેહવું એટલે શાક નીચે બેસી ના જાય. |
9. | શાક ચડી જાય એટલે ગેસ બંધ કરી દો. અને શાક ના ૪ સરખા ભાગ કરો. અને ખીચડી ના ૩ સરખા ભાગ કરો. |
10. | હવે એક પહોળી કઢાઈ અથવા તપેલા માં નીચે 1 શાક નું થર(layer) પાથરો, એની ઉપર ખીચડી નું થર પાથરો. ફરી થી એની ઉપર શાક નું થર પાથરો અને એની પાર ખીચડી નું. એવી રીતે થર બનાવા. |
11. | હવે એને ઢાંકી ને 3 - 5 મિનિટ ધીમા ગેસ પર મુકો. પછી ગેસ બંધ કરો. લીલી કોથમીર થી સજાવો. |
12. | ગરમ ગરમ ખીચડી ને ઘી સાથે પીરસો. |
Similar Posts
Popular Posts
Have something to add? Share it in the comments.